友共情
而家大個左，仲係成日諗起一個小學同學，真係好感激佢。
以前喺元朗某間小學讀書(依家已經殺校)，屋企經濟情況差，雖然阿爸阿媽有工作，但屋企燈油火蠟咩都要錢，阿媽又對我飲食管得好嚴。老實講，嗰陣我正係要發育，但成日餓到頭暈。朝朝早都覺得好難受。
但班上有個同學，好奇怪。佢差唔多每日都會分一半早餐俾我——無論係菠蘿包、腸粉定係三文治——唔係一兩次，係長期都咁樣。
我一直覺得係應份嘅，直到有一日，我聽到佢細細聲講：「我好肚餓……」
嗰下我先至醒返。
我問佢：「你咁餓，點解仲要分早餐俾我？」
佢答得好簡單：「因為我哋係好朋友囉。」
佢答得好簡單：「因為我哋係好朋友囉。」
嗰一下，我心頭真係震一震。
你話去到呢個年紀，邊個仲會咁樣？嗰陣時小學嘅友誼，真係單純到一個點。
後嚟我六年級轉學，佢仲專登問我攞屋企電話，真係打過一次嚟。只係嗰個年代冇we ,chat、冇Facebook，慢慢就斷咗聯絡。
有時諗起，會覺得好可惜。亦會諗，佢而家過成點。
但無論點都好，佢分早餐俾我嘅日子，我一世都會記得。嗰種單純到不求回報嘅好，大個咗之後，真係好難再遇到。
免責聲明：社區由Moomoo Technologies Inc.提供，僅用於教育目的。更多信息
評論（24）
發表評論
285